పరిశుద్ధ గ్రంథము
2 సమూయేలు 22
2 Samuel 22
చదవడం
2 సమూయేలు 22
యెహోవా తనను సౌలు బారి నుండి, తన శత్రువులందరి నుండి తప్పించిన రోజున దావీదు యెహోవాకు ఈ పాట పాడాడు.
యెహోవా నా ఆశ్రయ శిల, నా కోట, నా రక్షకుడు.
నా ఆశ్రయ శిల, నేను ఆయన సంరక్షణలో ఉంటాను.
స్తుతికి అర్హుడైన యెహోవాకు నేను మొర్రపెట్టాను.
మృత్యుకెరటాలు నన్ను చుట్టుకున్నాయి.
పాతాళ పాశాలు నన్ను కట్టి వేశాయి.
నా దురవస్థలో నేను యెహోవాకు మొర్ర పెట్టాను.
అప్పుడు భూమి కంపించింది. అదిరింది.
ఆయన ముక్కుపుటాల్లో నుంచి నుండి పొగ లేచింది.
ఆకాశాన్ని చీల్చి ఆయన దిగి వచ్చాడు
ఆయన కెరూబును అధిరోహించి వచ్చాడు.
అంధకారాన్ని తన చుట్టూ గుడారంగా చేసుకున్నాడు.
ఆయన సన్నిధి మెరుపుల్లోనుండి అగ్ని కణాలు కురిశాయి.
యెహోవా ఆకాశం నుండి గర్జించాడు.
తన బాణాలు వేసి శత్రువులను చెదరగొట్టాడు.
యెహోవా యుధ్ధ ధ్వనికి
పైనుండి చెయ్యి చాపి ఆయన నన్ను పట్టుకున్నాడు.
బలవంతులైన పగవారి నుండి, నన్ను ద్వేషించే వారినిండి,
విపత్కర సమయంలో వారు నా మీదికి వచ్చారు.
యెహోవా విశాలమైన చోటికి నన్ను తోడుకుని వచ్చాడు.
నా నీతినిబట్టి ఆయన నాకు ప్రతిఫలమిచ్చాడు.
ఎందుకంటే యెహోవా మార్గాలను నేను అనుసరిస్తున్నాను.
ఆయన న్యాయవిధులన్నీ నా కళ్ళెదుటే ఉన్నాయి.
ఆయన దృష్టికి నిర్దోషిగా ఉన్నాను.
నా నీతినిబట్టి యెహోవా నాకు పూర్వ క్షేమస్థితి కలిగించాడు
నమ్మదగిన వారికి నీవు నమ్మదగిన వాడిగా ఉంటావు.
నిష్కళంకుల యెడల నీవు నిష్కళంకంగా ఉంటావు.
యాతన పడే వారిని రక్షిస్తావు
యెహోవా, నీవు నాకు దీపం.
నీ సహాయంతో నేను అడ్డుకంచెలు అధిగమిస్తాను.
దేవుని మార్గం పరిపూర్ణం
యెహోవా తప్ప దేవుడేడి?
దేవుడు నాకు బలమైన కోట.
ఆయన నా కాళ్లు జింకకాళ్లవలె చేస్తాడు.
నా చేతులకు యుద్ధం నేర్పేవాడు ఆయనే
నీవు నీ రక్షణ డాలును నాకు అందిస్తావు.
నా పాదాల కింద స్థలం విశాలం చేస్తావు.
నా శత్రువులను తరిమి నాశనం చేస్తాను.
నేను వారిని మింగి వేశాను. ముక్కలుచెక్కలు చేశాను. వారిక లేవలేరు.
నడికట్టు బిగించి కట్టినట్టు యుద్ధం కోసం నాకు బలాన్ని ధరింపజేస్తావు.
నా శత్రువుల మెడలను నా ముందు వంచావు.
వారు సహాయం కోసం అరిచారు. కానీ రక్షించే వాడు ఎవడూ లేడు.
నేను నేల దుమ్ము లాగా వారిని పొడి చేస్తాను.
నా స్వజనుల కలహాల్లో నుండి కూడా నీవు నన్నువిడిపించావు.
పరదేశులు గత్యంతరం లేక నాకు లోబడతారు.
అన్యులు వణకుతూ తమ భద్రమైన స్థలాలు విడిచి వస్తారు.
యెహోవా సజీవుడు. నాకు అండ అయిన వాడికి స్తుతి.
ఆయన నా పక్షంగా ప్రతీకారం చేసే దేవుడు
ఆయనే నా శత్రువుల చేతిలో నుండి నన్ను విడిస్తాడు.
కాబట్టి యెహోవా, జాతుల మధ్య నీకు కృతజ్ఞతలు చెల్లిస్తాను. నీ నామానికి స్తుతి పాడుతాను.
తాను నియమించిన రాజుకు ఆయన గొప్ప విజయాన్నిస్తాడు.