హబక్కూకు 3

ప్రవక్త అయిన హబక్కూకు చేసిన ప్రార్థన (వాద్యాలతో పాడదగినది).

యెహోవా, నిన్ను గూర్చిన వార్త విని నేను భయపడుతున్నాను.

దేవుడు తేమానులో నుండి వచ్చాడు.

ఆయన హస్తాలనుండి కిరణాలు వెలువడుతున్నాయి.

ఆయనకు ముందుగా తెగుళ్లు నడుస్తున్నాయి.

ఆయన నిలబడి భూమిని కొలిచాడు. రాజ్యాలను కంపింప జేశాడు.

కూషీయుల డేరాల్లో ఉపద్రవం కలగడం నేను చూశాను.

యెహోవా, నదుల మీద నీకు కోపం కలిగిందా?

విల్లు వరలోనుండి తీశావు. బాణాలు ఎక్కుపెట్టావు.

పర్వతాలు నిన్ను చూసి మెలికలు తిరిగాయి.

నీ ఈటెలు తళతళలాడగా ఎగిరే నీ బాణాల కాంతికి భయపడి సూర్యచంద్రులు తమ ఉన్నత నివాసాల్లో ఆగిపోతారు.

బహు రౌద్రంతో నీవు భూమి మీద సంచరిస్తున్నావు.

నీ ప్రజలను రక్షించడానికి నీవు బయలుదేరుతున్నావు.

పేదలను రహస్యంగా మింగివేయాలని ఉప్పొంగుతూ తుఫానులాగా వస్తున్న యోధుల తలల్లో వారి ఈటెలే నాటుతున్నావు.

నీవు సముద్రాన్ని తొక్కుతూ సంచరిస్తున్నావు.

నేను వింటుంటే నా అంతరంగం కలవరపడుతున్నది. ఆ శబ్దానికి నా పెదవులు వణుకుతున్నాయి. నా ఎముకలు కుళ్లిపోతున్నాయి. నా కాళ్లు వణకుతున్నాయి. జనాలపై దాడి చేసే వారు సమీపించే దాకా నేను ఊరుకుని బాధ దినం కోసం కనిపెట్టవలసి ఉంది.

అంజూరపు చెట్లు పూత పట్టకపోయినా,

నేను యెహోవా పట్ల ఆనందిస్తాను.

ప్రభువైన యెహోవాయే నాకు బలం.